დიდ ბრიტანეთში სამი მოსამართლე გაათავისუფლეს იმის გამო, რომ სამსახურში, სამუშაო კომპიუტერებზე პორნოგრაფიულ ფილმებს უყურებდნენ. მათი საქციელი სამუშაო ეთიკის უპატიებელ დარღვევად მიიჩნიეს.

სამსახური დაატოვებინეს ოლქის მოსამართლეს ტიმოტი ბოულზს, მოსამართლეს საიმიგრაციო საქმეებში უორენ გრანტს და ოლქის მოსამართლის მოადგილეს პიტერ ბულოკს. კიდევ ერთი მოსამართლე იყო შემჩნეული მსგავს ქმედებაში, მაგრამ მან თავად დაწერა განცხადება გათავისუფლების შესახებ. 

გამოძიების დეპარტამენტში აღნიშნეს, რომ პორნო ფილმებში, რომლებსაც მოსამართლეები უყურებდნენ, არ იყო კანონით დაუშვებელი ქმედებები, მაგრამ იუსტიციის მინისტრმა კრის გრელინგმა და ინგლისის და უელსის მთავარმა მოსამართლემ ლორდ ტომასმა ამ შემთხვევას მიუღებელი საქციელი უწოდეს.